Nënkryetari i Partisë së Lirisë, Petrit Vasili është paraqitur paraditen e së premtes në SPAK. Deputeti nuk pranoi që të jepte detaje. U përgjigj shkurt.
“Kishin dy-tre pyetje dhe i informova për çështjen që kishin interes ata. Pyesni SPAK-un, u informojnë vetë ata…” tha ai, duke u larguar më pas me hap nga gazetarët drejt makinës që po e priste.
Dyshimet janë se është marrë në pyetje si person që ka dijeni për rrethanat e hetimit.
Vasili është thirrur në kuadër të hetimeve që po kryhen nga struktura për lobimin e ish-Lëvizjes Socialiste për Integrim.
Prokuroria e Posaçme ka marrë në pyetje më herët dhe ish-deputetin e Lëvizjes Socialiste për Integrim Endrit Braimllari në lidhje me lobimin në Amerikë të subjektit politik që ai përfaqëson.
SPAK ka nisur hetimet pas kallëzimit nga ish-deputeti Halit Valeri, ku pretendohet se ish-kryetari i LSI-së, Ilir Meta ka paguar 700 mijë dollarë.
