Kryetari i Komisionit Qendrorë të Zgjedhjeve, Ilirian Celibashi ka reaguar për herë të parë që nga momenti i shpalljes së rezultatit final në zgjedhjet që u zhvilluan për bashkinë e Rrogozhinës.
Me anë të një reagimi në rrjetet sociale, Celibashi kërkon depolitizimin e komisioneve zgjedhore të nivelit të dytë.
“Administrimi i zgjedhjeve në këto nivele nga persona të caktuar vetëm nga partitë politike nuk siguron as integritet të procesit dhe as mirëadministrim teknik të tij,” thotë Celibashi.
“Ndoshta nuk është koha apo edhe rasti, por duhet të sjell në vëmendje tani edhe sidomos pas zgjedhjeve të datës 23 korrik 2023 në Rrogozhinë, domodoshmërinë për ndryshimin e mënyrës së organizimit dhë të funksionimit të komisioneve zgjedhore të niveleve të dyta dhe të treta,” shkruan Celibashi në Facebook.
