Moti i keq vazhdon të godasë Lombardinë. Gjatë natës një stuhi e re, e dhunshme, e shoqëruar me goditje të vazhdueshme rrufeje dhe erëra të forta, goditi Milanon rreth orës 4 të mëngjesit dhe një pjesë të mirë të Brianzës dhe zonën veriore të Lombardisë.
Fenomeni u shoqërua në disa zona edhe me stuhi breshëri. Stuhia në qytet ishte e shkurtër por shumë intensive dhe parashikimet tregojnë mundësi për reshje të reja.
Në Corteno Golgi, në zonën e Brescias, një vajzë 16-vjeçare nga Como, e cila po merrte pjesë në një kamp, vdiq pasi u godit nga një pemë e shkulur nga moti i keq, teksa flinte në një tendë.
Disa të plagosur në Veneto. Shtatë shtrime në spital të të plagosurve dhe 27 të shpëtuar. Të paktën 8 persona kanë mbetur të plagosur në zonën e Trevisos.
“Kemi kaluar një natë pa gjumë. Sa për t’ju dhënë një ide, era në qytet kalonte 100 kilometra në orë”. Kështu ka deklaruar kryetari i bashkisë së Milanos, Giuseppe Sala, ku bën një bilanc të situatës pas stuhisë së fortë që goditi qytetin rreth orës 4 të mëngjesit të sotëm, sipas TGCOM.
“Zien” toka nga tërmeti në Turqi, “digjet” Greqia, përmbytet Italia (VIDEO)
