Këshilli Kombëtar i Partisë Demokratike ka miratuar pasditen e sotme pranimin e dorëheqjes së ish-liderit të saj, Lulzim Basha dhe dorëheqjen më datë 17 maj të këtij viti të nënkryetarit të kësaj force politike, Enkelejd Alibeaj.
Ndërkohë, u shtyu për në një mbledhje tjetër vlerësimin mbi dorëheqjet e Nënkryetarëve Agron Gjekmarkaj dhe Jorida Tabaku.
Arrihet kuorumi për mbledhjen e Këshillit Kombëtar të PD, ndryshon rendi i ditës
Sekretari i Përgjithshëm i Partisë Demokratike, Gazment Bardhi ka mbledhur online mbledhjen e Këshillit Kombëtar.
Vendimin e Bardhit për të mos u tërhequr, kryesia e quan shkelje dhe vendim për arsye personale politike. Sipas Kryesisë çdo pretendim i Bardhit për mbledhjen e Këshillit Kombëtar është për arsye personale politike.
Në reagim thuhet se Kryerja e veprimeve aktive për organizmin e mbledhjes së Këshillit Kombëtar nga ana e Sekretarit të Përgjithshëm, në kundërshtim me vendimin e Komisionit të Apelimit, Integritetit dhe Etikës është shkelje flagrante dhe e hapur e Statutit të Partisë Demokratike.
