Një spektakël i rrallë qiellor do të shfaqet natën e sotme pamjet e së cilit do të përsëritet vetëm pas 14 vjetësh.
Astronomët kanë theksuar se ky lloj fenomeni ka ndodhur për herë të fundit në vitin 2018, dhe mundësia për ta vëzhguar përsëri do të jetë vetëm në vitin 2037.
Natën e 1 gushtit do të shfaqet super hëna e parë e gushtit dhe vetëm 30 ditë më vonë hëna e dytë e plotë, e njohur si “hëna blu”.
Ajo që e bën edhe më interesant këtë spektakël është se në të njëjtën natë planetët si Mërkuri dhe Marsi do të jenë të dukshëm në qiell.
Nëse moti do të jetë i mirë dhe qielli është pa re, ky fenomen i paharrueshëm do t’i lejojë vëzhguesit të shohin me sy të lirë detajet e sipërfaqes së hënës, siç janë fushat e errëta të formuara nga rrjedhat e lavës vullkanike të lashtë.
