Në Sarandë nuk ka pasur shkëmbim me armë zjarri. Kështu deklaron policia në një reagim pas ngjarjes që ndodhi në mesditë. Strumbullari ka qenë Klaudio Qendro, i cili sipas policisë duke lëvizur me makinën tip “BMW” dyshohet se duke luajtur me një armë zjarri ka kryer qitje të pavullnetshme.
Më pas nga frika e asaj që e priste, la makinën dhe u arratis, por jo për shumë minuta, pasi u arrestua nga policia. I arrestuari Klaudio Qendro 23 vjeç, banues në Delvinë është me precedent, i arrestuar në nëntor të vitit 2021 për vjedhje me dhunë të një dyqani.
“Rreth orës 12:00, në lagjen nr. 1, Sarandë, shtetasi Klaudio Qendro, i cili udhëtonte me automjetin tip “BMW”, dyshohet se duke luajtur me një armë zjarri, ka kryer qitje të pavullnetshme, pa shkaktuar dëmtime të personit. Klaudio Qendro ka braktisur automjetin dhe është larguar me vrap, në brendësi të lagjes.
Shërbimet e Policisë janë vënë në ndjekje të shtetasit Klaudio Qendros dhe pas disa minutash ndjekjeje, bënë të mundur kapjen e tij. Vijon kontrolli i zonës për gjetjen e armës së zjarrit, pasi kur është larguar me vrap, ka hedhur armën e zjarrit” njoftoi Policia e Shtetit. Ngjarja shkarkoi frikë dhe panik te qytetarët dhe pushuesit e shumtë.
Plumba dhe britma! Policia i hidhet në “fyt” shënjestrës në Sarandë (VIDEO)
