Kur prodhuesi i dytë më i madh i makinave elektrike në botë – BYD i Kinës – paraqet një makinë cilësore “popullore”, të dhënat ndryshojnë për elektrifikimin global.
Emri BYD, një akronim për Build Your Dreams, po përhapet me shpejtësi në të gjithë globin. Me gati një milion shitje në vitin 2022, kompania kineze është pas Tesla-s në renditjen globale të shitjeve të prodhuesve të makinave elektrike.
Analistët e tregut global i thanë Reuters se mund të bëhet makina elektrike më e shitur në Kinë brenda gjashtë muajve të ardhshëm. Dhe duke pasur parasysh përmasat e tregut të vendit aziatik, atëherë nuk përjashtohet që kjo makinë e re elektrike e qytetit të bëhet edhe më komercialja në planet.
Brenda 24 orëve nga lansimi në Shanghai disa javë më parë, mbi 10,000 porosi u vendosën në faqen e internetit të BYD. Dhe së shpejti ne mund ta mirëpresim atë edhe në Evropë, ku do të jetë makina e gjashtë në gamën e BYD.
Në tregun kinez, makina fillon me 78,800 juanë, që korrespondon me rreth 10,000 euro. Top versioni i saj me baterinë më të madhe, fillon nga 12,000 euro.
Natyrisht, me makinën që eksportohet në Evropë nuk është plotësisht e qartë se sa do të taksohet dhe sa do të kushtojë në pjesët tona, megjithëse duke qenë një model me emetim zero, taksat nuk pritet të rëndojnë mbi të./ carandmotor
