Gjykata e Posaçme ka lënë në fuqi masën e sigurisë arrest me burg për ish-zv/ ministrin e Shëndetësisë, Klodian Rrjepaj dhe biznesmenin që fitoi koncesionin e sterilizimit 8 vite më parë, Ilir Rrapaj.
Ish-zv/ ministri do të përballet me drejtësinë me akuzat e “falsifikimit të dokumenteve” dhe “shpërdorimit të detyrës”, ndërsa biznesmeni Ilir Rrapaj për “mashtrim me pasoja të rënda”.
“Mund të arratisen”! Çfarë shkruan gjykata për ish-zv/ministrin dhe biznesmenin?
Gjithashtu u lanë në fuqi masat edhe për 6 personat e tjerë të akuzuar për këtë çështje.
Petro Mersini, ish-drejtor i përgjithshëm i shërbimit spitalor në Ministrinë e Shëndetësisë, i cili u la me masën ‘detyrim paraqitje’ për koncesionin e sterilizimit u shpreh për gazetarët se mburren me sterilizimin.
“Qëndrimi jonë është, që ne mburremi me sterilizimin që kemi bërë” tha Mersini.
Dosja e “Sterilizimit”! Gjykata lë në burg ish-zv/ministrin dhe koncesionarin
