Firma që do të fitonte koncesionin për sterilizimin ka qenë e paracaktuar. Në këtë konkluzion ka arritur SPAK-u që lëshoi prangat duke arrestuar ish-zv/ministrin Klodian Rrjepaj dhe biznesmenin Ilir Rrapaj.
“Vulën” që vërtetoi njohjen mes Rrjepajt dhe Rrapajt ia ka vendosur një e-mail përpara miratimit të koncesionit, që rrëzon deklaratën e biznesmenit se nuk e njihte ish-zv/ ministrin që ishte në krye të komisionit për dhënien e koncesionit.
Por çfarë thuhet në e-mail?
Prokuroria gjatë hetimeve ka sekuestruar postën elektronike të biznesmenit Ilir Rrapaj. Në shkurt dhe mars të vitit 2014 ka pasur shkëmbime e-mail mes Rrjepajt dhe Rrapajt që tregojnë se pas përmes së cilave i dërgon dy studime të universitetit të Peruxhias, që u përfshinë më pas në studimin e fizibilitetit.
Në e-mail duket raporti i ngushtë miqësor mes tyre, teksa i drejtohet “fratello” (vëlla) që tregon njohjen e vjetër të dy shokëve të shkollës në 1991, që tani janë shokë burgu.
“I dashur Fra’! Ky është teksti që të paralajmërova, për të cilin Vanesa më shkruante. Hidhi një sy dhe na çoni haber. Shpresoj të të ketë lëshuar sadopak dhimbja e veshit tanimë” i shkruante biznesmeni Rrapaj, numrit dy të ministrisë së Shëndetësisë, Rjepaj.
SPAK ktheu “përmbys” ministrinë! Kush e zhduku kontratën e “Sterilizimit”?
Në të njëjtën ditë, më 17 mars 2014, zv/ministri ia çon e-mailin ministrit Ilir Beqaj në e-mailin zyrtar dhe atë privat. Pra, ministri dhe krahu i tij i djathtë kanë qenë në dijeni të gjithçkaje që po përgatitej për koncesionin dhe se procedurat kanë qenë thjeshtë për “sy e faqe”.
Gjyqtari Erjon Bani thekson se ish-ministri i Shëndetësisë, Ilir Beqaj në bashkëpunim me personin në hetim, Klodian Rrjepaj e kishin marrë vendimin e dhënies së shërbimit të sterilizimit me koncesion dhe kishin përzgjedhur paraprakisht se kush do ta fitonte këtë koncesion.
Gjithashtu rezulton se në shkurt të vitit 2014, ministri i Shëndetësisë, Ilir Beqaj mori një kërkesë nga Ogerta Manastirliu, ish-drejtoresha e QSUT për të vënë në punë qendrën moderne të sterilizimit.
Por Beqja jo vetëm që nuk mori asnjë masë, por miratoi koncesionin për mikun e tij. Jo vetëm kaq, por sipas SPAK-ut kontrata koncesionare ka fryrë kostot me 56.4%.
BIRN: Provat, si e fali SPAK-u Ilir Beqjan për koncesionin 100 mln Dollarë
