Në një letër drejtur publikut të tij, këngëtari Alban Ramosaj i ka habitur të gjithë. Ai ka njoftuar se po heq përfundimisht dorë nga muzika, pas vitesh përkushtimi e pune të palodhur.
Arsyeja e këtij vendimi sipas tij është se e ka kuptuar se pasioni i tij për muzikën, pas kaq shumë kohësh, është zbehur ndërsa sfida e shprehjes së tij autentike artistike është bërë më e madhe.
Këngëtari s’ka dashur ta humbë më tepër veten, ndaj për të, ky ishte vendimi i duhur.
“Një Letër Për Publikun Tim Të Dashur Të “Koloseut”
Gjatë jetës sime, kam jetuar me filozofinë e përqafimit dhe ndjekjes së ëndrrave dhe aspiratave të fëmijës së brendshëm. Autenticiteti që artistët, veçanërisht muzikantët sjellin në veprat e tyre gjithmonë ka rezonuar thellë me mua.
Ndikimet e jashtme kanë pushtuar ngadalë, hap pas hapi hapsirën time kreative, kështu, duke fryrë fort mbi flakën e qiriut që njëherë më dha motiv. Ajo që nisi si një ëndërr, një pasion i palodhur, ajo që më shoqëronte nga agimi deri në perëndim, ndjej që pas gati 10 vitesh, është duke u zbehur.
Mënçuria shoqëron kalimin e kohës dorë për dore. Kam mësuar se të dorëzohesh në një betejë nuk është ekuivalente me humbjen e luftës, e kështu, tashmë di më mirë se sa të lejoj veten të “luftoj” në ambiente të padrejta apo “të pafavorshme”.
Për publikun tim të dashur të “koloseut,” nëse do më njihnit personalisht, ndoshta do të thonit “Tipike Albanesque,” për mbylljen e këtij kapitull me një prekje dramatike. Por ju më njihni unë lulëzoj në botën e dramës, pasi gjej një bukuri të caktuar poetike në të.
Me mirënjohje të ndjerë dhe një ndjenjë të rinovuar qëllimi,” ka shkruar ndër të tjera Ramosaj në profilin e tij në Instagram në një letër sqaruese drejtuar publikut.
View this post on Instagram
