Drejtoria Rajonale e Autoritetit Kombëtar të Ushqimit Vlorë ka dalë me një reagim pas ngjarjes së regjistruar mbrëmjen e sotme ku u helmuan 41 turistë polakë.
Në njoftim bëhet e ditur se situata e pacientëve nuk paraqitet kritike dhe AKU po kontrollon të gjithë subjektet sipas itinerarit të turistëve.
Nga Shkodra drejt Karaburunit, si u helmuan 20 fëmijët polakë?
Sipas AKU gjetjet paraprake orientojnë tek një lidhje e mundshme mes operatorit që ka shërbyer ushqim dhe kushteve klimaterike me temperatura të larta.
Skuadra jonë po koordinohet me profesionistët e kujdesit shëndetësor në Spitalin Rajonal të Vlorës për t’u siguruar që pacientët të marrin kujdesin e nevojshëm shëndetësor.
“I bëjmë thirrje operatorëve të kenë kujdes dhe të mos operojnë me shërbim ushqimi pa qenë të autorizuar e të licencuar lidhur me kriteret e sigurisë ushqimore dhe të kenë kujdes me kushtet e ruajtjes në temperaturat e larta të sezonit.
Udhëzojmë konsumatorët të mos konsumojnë ushqime që kanë qëndruar për më shumë se 2 ore pas gatimit jashtë frigoriferit,” thuhet në njoftim.
FOTO/ Autobusi plot me turistë të helmuar, çfarë ndodhi sot në turin Karaburun-Sazan?
Ata nuk kanë dhëne detaje në lidhje me hetimet që po kryejnë ndërsa janë shprehur se do të dalin me një njoftim sapo të dalin rezultatet e hetimeve.
Në lidhje me situatën ka reaguar edhe policia e cila është shprehur se gjendja e turistëve është e mirë.
Ata më tej kanë shtuar se polakët kanë udhëtuar nga Shkodra drejt Karaburuni.
Helmimi i 41 turistëve polakë në Vlorë, policia: Janë jashtë rrezikut për jetën, kemi nisur hetimet
