Gjykata e Tiranës ka caktuar masën e sigurisë arrest në burg për Eldi Allushin, pronarin e “BMW X6” që u aksidentua te diga e Liqenit Artificial.
26-vjeçari u arrestua pasditen e së martës së 22 gushtit, pasi makina e tij u përplas në orët e para të mëngjesit me digën e Liqenit Artificial.
Ai nuk ishte në drejtimin e makinës tip “BMW X6” me shpejtësi të madhe që fluturoi nga rruga e Kosovarëve duke u ngjitur në digën duke përfunduar te shëtitorja.
Në timon ishte Emiljano Nina, kushëriri i Ervis Martinajt, bashkë me një tjetër person që po hetohet në gjendje të lirë, por Allushi u arrestua, pasi nuk pranoi të shkonte të jepte sqarime në polici kur u thirr, duke u arrestuar disa orë më pas.
“Emiliano ma kërkoi makinën dy herë për të marrë një shoqe dhe unë ja dhashë. Pasi erdhi nga aksidenti fjeti gjumë, mua nuk më tregoi” ka deklaruar Eldi Allushi.
Kushëriri i Vis Martinajt në timon, si fluturoi “X6”-ta? Pronari: Ia dhashë të merrte një shoqe
