Nuk ka lirim nga qelia. Ditën e sotme Apeli la në burg gjashtë personat e arrestuar në kuadër të operacionit “Metamorfoza”. Seanca e kaluar zgjati për rreth tre orë dhe vendimi u shty për 31 gushtin duke u dhënë paraditen e sotme.
Biznesmeni Pëllumb Gjoka, prokurori Xhevahir Lita, ish-shefi i Operacionales Oltion Bistri dhe ish-efektivi Ardit Hasanbegaj, Asmer Bilali, Edmond Preka, ky i fundit shoferi i biznesmenit Gjoka do të vijojnë te qendrojne ne burg.
Avokati i biznesmenit Pëllumb Gjoka, Ylli Manjani, tha se për të lidhur një person me ngjarje kriminale duhet prova dhe jo hamendësime.
Edhe mbrojtësit e të arrestuarve të tjerë kanë deklaruar se nuk mund të merren prova nga ‘Encrochat’ pasi s’e parashikon ligji.
