Është vënë në pranga ditën e sotme 36-vjeçari, Artion Taçi me detyrë drejtor i zjarrfikëseve në qytetin e Cërrikut.
Përveç Taçit në pranga ranë edhe Agiano Dinoshi, me detyrë punonjës i tatim taksave në Bashkinë Cërrik; Adnand Xhelili, me detyrë punonjës i Shërbimit Zjarrfikës ne Bashkinë Cërrik; Alban Shima, me detyrë Përgjegjës i OSHEE në Cërrik dhe Armand Gjoka, me detyrë punonjës i Shërbimit Zjarrfikës në Bashkinë Cërrik, të gjithë banues në Cërrik.
Këta persona akuzohen se në bashkëpunim me njëri tjetrin kanë dhënë vërtetime false për subjekte biznesi që kishin detyrime të pa paguara në bashkinë e Cërrikut.
Ndaj pesë personave të arrestuar ka dyshime edhe për pjesëmarrje aktive në zgjedhjet lokale të 14 majit, në një kohë që ligji e ndalon.
