Këngëtarja shqiptare me famë botërore, Bebe Rexha, përveçse është autore e këngëve të saj, ajo ka kompozuar edhe për shumë artistë të tjerë.
Ajo madje karrierën e filloi si kompozitore kur krijoi hitin “The Monster”, të kënduar nga Rihanna dhe Eminem.
34-vjeçarja është gjithashtu autore e këngës “Under You” të Nick Jonas, por edhe pse ka shkruar tekstin e kësaj kënge, asaj nuk iu kujtua kjo këngë në programin “Finish The Lyric (Përfundo vargun)”
Ajo ishte e ftuar së fundmi në “Hits Radio”, ku duhej që të përfundonte vargjet e këngëve, që ekipi i emisionit ia kishte dhënë asaj të shkruara në një letër.
Por kur Bebe Rexhës i qëlloi kënga “Under You”, ajo nuk ishte në gjendje të thoshte vargjet vazhduese të saj ndonëse e ka krijuar vetë.
“Nuk e di, mos është një këngë e Justin Bieber,” pyeti këngëtarja shqiptare derisa producentja ia bëri të ditur se jo dhe pasi e kuptoi se për çfarë kënge bëhet fjalë, ajo tha: “Oh dreq, jam shumë e keqe në këtë”.
Rexha pati probleme edhe te kënga “Seasons” të cilën e këndon me Dolly Parton, ku mezi i gjeti vargjet vazhduese të këngës.
“Seasons” është pjesë e albumit të saj të vet-titulluar “Bebe”, të cilin artistja e publikoi në prill të këtij viti.
