Gjykata e Posaçme kundër Krimit të Organizuar dhe Korrupsionit, konkretisht gjyqtari Erion Bani në vendimin me detyrat që i la SPAK-ut deklaron se prokuroria e Posaçme nuk ka bërë hetim të plotë dhe të gjithanshëm për koncesionit e “Sterilizimit”. Gjyqtari thotë se SPAK-ut ka pasur indicie të mjaftueshme për të hetuar gjerësisht, por ky fakt nuk ka ndodhur. Kjo ka bërë që gjykata të kërkojë hetimin e pasurisë së Beqjat.
Dokumenti i gjykatës
“Për këto arsye nga ana e prokurorisë duhet të bëhet një hetim i plotë, i gjithanshëm, në këtë drejtim, fakt i cili nuk rezulton në fashikullin hetimor. Kjo do të provojë nëse e gjithë veprimtaria e paramenduar kriminale e planifikuar në detaje nga personat nën hetim është bërë thjeshtë për shkak të marrëdhënieve të ngushta shoqërore të personit nën hetim Ilir Rrapaj me personin nën hetim Klodian Rrjepaj dhe me Ilir Beqjan apo është rrjedhojë e përfitimit të parregullt nga korrupsioni i zyrtarëve që kanë marrë pjesë për këtë nevojitet hetim pasuror” thuhet në dosje.
