Fundjava ishte tragjike për familjen Pushani në Tiranë. Të shtunën motra vrau motrën pas një debati në familje. Gjithçka ndodhi në sy të nënës së moshuar.
Marsela Pushani deklaroi se e qëlloi të motrën me thikë duke i shkaktuar vdekjen në kushtet e vetëmbrojtjes për shkak të agresivitetit të Amandës. Shkak, tha se ishte bërë konflikti i vazhdueshëm për alkoolin.
Dje nëna përcolli Amandën në banesën e fundit dhe më pas është marrë në pyetje nga grupi hetimor për dinamikën si ndodhi krimi. Ajo ka deklaruar se e bija prej vitesh ishte e alkoolizuar dhe kishin debate të vazhdueshme.
Ditën e ngjarjes, e ëma ka thënë se 37-vjeçarja ka ardhur e dehur në banese dhe i ka kërcënuar me thikë.
Ne momentin e përleshjes, sipas dëshmisë Marsela i ka marrë thikën dhe e ka goditur në kushtet e vetëmbrojtjes duke qenë në të njëjtin version me vajzën e madhe që u arrestua.
Familja fillimisht tentoi ta fshihte duke e raportuar si vdekje natyrale, por më pas u zbulua.
Fati i zi i nënës në Tiranë! Njërën vajzë e varrosi, tjetra në burg
