Turizmi ishte kryefjalë e asamblesë socialiste. Teksa të gjithë po prisnin emrat e ministrave që do të ikin dhe atyre që do të vijnë, Edi Rama u zgjat shumë duke folur për turizmin dhe të ardhmen në këtë sektor. Shpalli kapituj të mbyllur dy nismat, investitorët strategjikë dhe fshatrat turistikë.
“Statusi i investitorit strategjik duhet të ndryshojë. Steka duhet ngritur shumë më lart. Menjëherë! Shqipëria 2030. Kampione e rajonit në turizëm duhet të zotërojë një ofertë optimale.
Të tërheqë jo vetëm turizmin italian se këtu vjen se është më lirë, por edhe turizmin nga bota për të shpenzuar këtu sa në Maldive. Do të fusim shumë më shumë të ardhura. Kapitulli i ndërtimit të fshatrave turistikë pa hoteleri duhet shpallet kapitull i mbyllur” tha ai.
