Policia e Kosovës ka zbuluar një bazë armatimesh të rënda në një shtëpi në Zveçan. Ministri i Brendshëm Xhelal Sveçla njoftoi se Policia e Kosovës së bashku me institucionet e inteligjencës, pas identifikimit, ka zhvilluar bastisje në një bazë të armatimit në veriun e Kosovës, Zveçan. Ai tha se shtëpia ku është gjetur armatimi është përdorur për grumbullim dhe shpërndarje të armatimit për grupet kriminale serbe. Po ashtu ka thënë se në vendin e ngjarjes, përveç institucioneve të sigurisë, kanë qenë të pranishëm edhe përfaqësues të KFOR-it.
Armët e sekuestruara;
1. Katër (4) armë AK 47,
2. Tridhjetë e katër (34) karikatorë të armës AK 47,
3. Një mijë e pesëqind e dyzet e gjashtë (1546) fishekë të kalibrave të ndryshëm,
4. Tetë granata dore,
5. Një (1) minë anti-këmbësorie,
6. Dy (2) gazë-maska,
7. Dy (2) çanta ushtarake,
8. Një (1) shok-bombë,
9. Dy (2) fishekë-zjarre,
10. Dy (2) optika të armës,
11. Një (1) thikë ushtarake,
12. Një (1) maskë ushtarake,
13. Dy (2) rripa për mbajtje të municionit të gjuetisë,
14. Pesë (5) çanta të vogla ushtarake,
15. Një (1) rrip i pajisjeve ushtarake,
16. Një (1) këllëf i pistoletës dhe
17. Pajisje për pastrim të armatimit.
