Administratorja e një qendre masazhesh në Tiranë që shërbente e kamufluar si “çerdhe” prostitucioni është arrestuar nga policia vetëm pas denoncimit në media. Pronari është shpallur në kërkim.
“Specialistët e Seksionit për Hetimin e Trafiqeve të DVP Tiranë, në vijim të procedimit penal të regjistruar në muajin shkurt të këtij viti, si dhe pas publikimit të pamjeve filmike, bënë ndalimin e shtetases E. O., 30 vjeçe (administratore e një qendre masazhesh), si dhe shpallën në kërkim shtetasin O. Rr., 36 vjeç, banues në Tiranë (pronari i qendrës së masazheve)” njofton policia.
Në videon e denoncuar mbrëmjen e djeshme njëra nga vajzat që punonte si prostitutë u shpreh se policia i ka lejuar që të vijojnë të qeta aktivitetin pasi pronari shefin e komisariatit e kishte mik duke i dhënë pagesën cdo muaj.
