Ish -kreu i Shoqatës së Basteve, Artan Shyrti ishte sot i pranishëm në dëgjesën e Komisionit të Ekonomisë për rihapjen e basteve. Ai tha se ligji ka probleme. Paralajmëroi se do të dështojë nëse nuk do të jenë në lojë kompanitë e vjetra.
“Në botë ka edhe pika fizike jo vetëm online. Ligji kërkon të deklarohen edhe shumat e vogla, kjo do pengojë edhe turistët të luajnë.
Pse të jenë vetëm kompani të huaja, ato do i dërgojnë paratë jashtë. Nëse nuk rikthehen kompanitë që ishin, kjo nismë do të dështojë!” tha Shyti.
Komisioni i Ligjeve e kaloi nismën, tashmë është në dorë të komisionit të Ekonomisë. Diskutimet vazhdojnë përpara se projektligji të shkojë në kuvend për vulën finale.
