Sot do të nënshkruhet marrëveshja me shoqatat e prodhuesve dhe me supermarketet e vendit me synimin për të ulur çmimet për produktet e nevojave bazë, kryesisht në sektorin ushqimor Palazzo Chigi nga Kryeministrja italiane Giorgia Meloni dhe Ministri i Biznesit, Adolfo Urso.
Sipas mediave italiane, çmimet do të bien nga 1 tetori deri në fund të vitit mesatarisht 10% dhe do të vlejnë për tre muaj, deri në fund të vitit teksa llogaritet se çdo familje në Itali do të kursejë gjithsej deri në 150 euro.
Me çmim të reduktuar do të shiten mishi, qumështi, sheqeri, vezët, mielli, orizi, por edhe pelenat apo barnat pa recetë.
Konsumatorët do të mund të dallojnë produktet specifike, falë një ngjitësi të veçantë, me ngjyrat e flamurit italian.
