Pas sulmit terrorist ndaj Policisë së Kosovës në Banjskë të Zveçanit, dy pikat kufitare me Serbinë, Jarinja dhe Bërnjaku, janë mbyllur.
Për këtë çështje, Policia e Kosovës ka thënë se janë ende në fazën e ekzaminimit të vendit të ngjarjes dhe terrenit.
PK, në një përgjigje për “Gazetën Express”, bën të ditur se qarkullimi është normal dhe se pikat tjera kufitare me Serbinë janë të hapura.
“PK-ja është ende në fazën e ekzaminimit të vendit të ngjarjes dhe terrenit. Pikat tjera kufitare me Serbinë janë të hapura, qarkullimi është normal,” thuhet në përgjigjen e Policisë./Gazeta Express
