Pas legalizimit të kanabisit mjekësor, bima narkotike do të futet në listën e barnave.
Brenda pak ditëve kanabisi mjekësor do të futet në listën e barnave që përdoren për qëllime medicinale. Projektligji është miratuar sot në Komisionin e Ligjeve.
“Duhet përditësuar lista e substancave të ndaluara. Projektligji propozon përditësimin e skemës si edhe disa ndryshime që lidhen me kanabisin për qëllime industriale. Bima e kanabisit për qëllime mjekësore” tha zëvendës ministrja e Shëndetësisë, Entela Ramosaçaj.
Deputetët demokratë ngritën shqetësimin sesi del prodoksiti i azotit dhe tregtohet në bare e kafene pa problem, madje edhe me faturë. E thënë më thjeshtë, “tullumbacet” që kanë efektin e drogës.
“Ky prodoksit jep efektin e narkozës, si i tillë përdoret vetëm në spital dhe nuk lejohet të shitet në farmaci. Ato që shiten nuk janë ato që shiten nëpër spitale”- tha zv/ministrja.
