Menjëherë pas sulmit në fshatin Banjskë, autoritetet në Kosovë identifikuan biznesmenin kontrovers Milan Radoiçiç si organizator të këtij akti.
Të premten e kaluar, përmes avokatit të tij Goran Petronijeviç, Radoiçiç pranoi përgjegjësinë për organizimin e konfliktit të armatosur në afërsi të Banjskës.
“Unë përgatita gjithçka vetë,” deklaroi.
Sipas disa informacioneve jozyrtare, Radoiçiç është plagosur gjatë sulmit në Banjska dhe po trajtohet në Beograd, ndonëse avokati i tij e ka mohuar këtë.
Ajo që kontestohet është fakti se nëse është gjallë, Radoiçiç nuk është mbajtur në paraburgim serb.
Edhe pse Serbia nuk e njeh Kosovën, si dhe autoritetet e këtij shteti, nuk është e qartë se si mund të dëgjohet personi që qëndron pas aksionit të armatosur, që çoi në vdekjen e një polici, si dhe anëtarëve të grupit të tij pa u mbajtur në paraburgim.
Tabloidët e regjimit raportuan se Radoiçiç ishte parë në funeralin e një prej sulmuesve në Banjskë, por nuk u regjistrua asnjë foto e vetme që e vërtetonte këtë.
Bashkimi Evropian dhe Shtetet e Bashkuara të Amerikës po “po bëjnë presion” ndaj Serbisë që të bashkëpunojë në hetimin e sulmit, ndërsa në të njëjtën kohë Ushtria Serbe mohon përfshirjen në sulmin në Banjskë, duke e cilësuar atë si “fyerje për intelektin”. /Klix.ba
