Kur të përfundojë kulla e gjashtë dhe e fundit qendrore, që pritet në 2026 ndërtimi i kishës, i cili filloi në 1882, do të përfundojë plotësisht.
Dizajni i kishës u drejtua nga arkitekti i famshëm katalanas Antoni Gaudi, i cili vendosi se struktura monumentale do të kishte 18 kulla të mëdha në formë gishti, secila të simbolizojë nga një figurë të ndryshme biblike, 12 apostujt, katër ungjilltarët, Virgjëreshën Maria dhe Jezusin.
Më 12 nëntor do të mbahet mesha e inaugurimit në katedrale, ku do të ndriçohen katër kullat ungjillore. Ato do të qëndrojnë të ndezura gjatë Krishtlindjeve, tha kisha.
Katër kullat ungjillore janë 135 metra të larta. Kulla e mbetur, që përfaqëson Jezu Krishtin, do të jetë 172.5 metra e lartë dhe do të përfundojë me një kryq me katër krahë 17 metra të gjatë sipas katedrales. Struktura monumentale është projektuar për të akomoduar rreth 13,000 njerëz.
Ndërtimi i “Sagrada Familia” u ndërpre në fund të viteve 1930 nga Lufta Civile Spanjolle, kur shumica e dizenjove dhe modeleve të Gaudit, varri i të cilit shtrihet poshtë katedrales u shkatërruan.
Modelet aktuale bazohen në materialet e mbijetuara dhe të rindërtuara, si dhe në përshtatjet e riimagjinuara të origjinalit.
