Një ngjarje e rëndë është regjistruar pasditen e sotme në Shkodër. Mësohet se një turist slloven ka humbur jetën pasi është rrëzuar në kalanë e qytetit.
Ngjarja ka ndodhur rreth orës 19:00 ku 65-vjeçari, Slatko Pasaliq dyshohet se është rrëzuar aksidentalisht teksa ishte duke vizituar kalanë e Rozafës.
Viktima është dërguar menjëherë në spital, por për shkak të plagëve të marra në kokë ka humbur jetën.
Grupi hetimor, në drejtimin e Prokurorisë, vijon punën për sqarimin dhe për dokumentimin e plotë të rrethanave të kësaj ngjarjeje aksidentale.
