Gazeta britanike “The Guardian” thekson se ka përpjekje që të realizohet një takim mes presidentes së Kosovës, Vjosa Osmani dhe presidentit të Serbisë, Aleksandar Vuçiç të enjten në Granada të Spanjës. Osmani e Vuçiç do të marrin pjesë në samitin në Granada të 51 liderëve evropianë.
Osmani të martën në një intervistë për “CNN” u shpreh se Kosova është nën sulm. “Ata duan të vazhdojnë planin e tyre të destabilizimit të Ballkanit Perëndimor dhe me këtë, t’i lejojnë Putinit të hapë fronte të reja kundër perëndimit në Ballkan Perëndimor. Ne jemi duke punuar me aleatët dhe partnerët dhe kjo nuk do të ndodhë”, tha Osmani.
