Çifti i njohur i këngëtarëve, Lind Islami dhe Venera Lumani, kanë kurorëzuar dashurinë e tyre me martesë.
Ata kanë organizuar një ceremoni me shumë të ftuar në Gjirin e Lalëzit, ku i kanë thënë “Po” njëri-tjetrit para familjarëve e miqve të tyre.
Një ditë pas dasmës, Lindi dhe Venera kanë ndarë me ndjekësit e tyre në rrjetet sociale disa fotografi nga dasma.
Ata duken shumë elegant si nuse e dhëndër, me Venerën e cila shkëlqente në vellon e bardhë të nusërisë.
“Përgjithmonë Venera dhe Lind, 07.10.2023”, shkroi këngëtari nga Peja në mbishkrimin e fotografive.
Çifti janë njohur me njëri-tjetrin në vitin 2012, në prapaskenat e “The Voice of Albania 2”, ku Venera u shpall fituese e atij edicioni.
