Ministri i Punëve të Jashtme të Arabisë Saudite, Princi Faisal bin Farhan bin Abdullah zhvilloi një bisedë telefonike me ministrin e Punëve të Jashtme dhe Evropës të Republikës së Shqipërisë, Igli Hasani, sipas mediave.
Gjatë bisedës telefonike, të dy palët diskutuan zhvillimet në situatën në Gaza dhe rrethinat e saj, si dhe përpjekjet ndërkombëtare të bëra për adresimin e tyre, duke theksuar refuzimin e shënjestrimit të civilëve në çdo formë dhe nevojën që të gjitha palët të respektojnë të drejtën ndërkombëtare humanitare.
Princi Faisal i kërkoi Shqipërisë, në sajë të rolit të saj si një anëtare jo e përhershme e Këshillit të Sigurimit, të punojë për të siguruar që Këshilli të përmbushë përgjegjësinë e tij për ruajtjen e paqes dhe sigurisë ndërkombëtare duke nxitur për një ndërprerje të menjëhershme të operacioneve ushtarake dhe heqjen e rrethimit në Gaza.
