Presidenti i Republikës, Bajram Begaj ka zhvilluar ditën e sotme një takim me Presidenten e Komisionit Evropian, Ursula von der Leyen.
Gjatë takimit mësohet se është diskutuar rreth përshpejtimit të procesit të integrimit në Bashkimin Evropian si dhe situata e sigurisë në Evropë dhe në Ballkanin Perëndimor.
“Shqipëria është e vendosur në rrugëtimin e saj drejt Bashkimit Evropian,” nënvizoi Begaj.
Presidenti Begaj shfrytëzoi këtë takim për të përshëndetur qëndrimet e Bashkimit Evropian për stabilizimin e paqes në rajon duke kërkuar që të ndëshkohet sulmi terrorist serb i 24 shtatorit ndaj një vendi sovran siç është Kosova dhe destabilizim të të gjithë rajonit.
