Një 35-vjeçare nënë e dy fëmijëve është arrestuar dje herët në mëngjes në Patra, Greqi pasi sipas policisë akuzohet se ka ekspozuar në rrezik të miturit.
Sipas policisë, 35-vjeçarja ka shkuar me makinë në një bar kafe duke lënë të pambikëqyrur brenda automjetit dy fëmijët e saj të mitur, përkatësisht 9 dhe 3,5 vjeç duke rrezikuar integritetin e tyre fizik.
Fqinjët, të cilët e kuptuan se fëmijët ndodheshin brenda makinës së mbyllur, njoftuan policinë, sipas mediave.
Menjëherë më pas në vendngjarje ka mbërritur policia e urgjenca, e cila ka gjetur fëmijët në gjendje të mirë shëndetësore dhe më pas ka arrestuar 35-vjeçaren.