Zbardhen detaje të reja nga ngjarja e rëndë që ndodhi sot në Lezhë. Një gjimnazit raportohet se ka qëlluar me karrige mësuesen Majlinda Palushi, e cila ka përfunduar në spital për të marrë mjekim.
Ngjarja ka ndodhur në gjimnazin “Hydajet Lezha”. “5Pyetjet.al” sjell fotot nga brenda gjimnazit ku korridoret janë bosh, pasi të gjithë të tronditur kanë dalë jashtë.
Paraprakisht, bazuar te dëshmia e njërit prej nxënësve në klasë, mësohet se ka pasur një debat të gjimnazistit me mësuesen e matematikës, e cila sipas të dhënave të para i ka përmendur të atin që i ka ndërruar jetë.
“Për eshtrat e babit tat e timit nuk kam me të kaluar”. Kjo dyshohet se ka qenë fjalia e mësueses që ka sjellë rebelimin e gjimnazistit, mëson “5Pyetjet.al”.
Më pas ka agravuar dhe adoleshenti e ka qëlluar me karrige. Kanë ndërhyrë gjimnazistët e tjerë duke parandaluar më tej dhunën. Mësuesja e matematikës është dërguar në spital për ndihmë. Gjimnazisti është marrë nga policia.
“Të betohem për eshtrat e babit…”! Si nisi sherri që nxënësi qëlloi mësuesen me karrige?
