Vendi ynë është përfshirë nga stuhia “Ciaran”, stuhi e cila është shoqëruar kryesisht me shtrëngata shiu dhe shkarkesa atmosferike.
Gjithashtu stuhia e shiut dhe erëra të forta kanë përfshirë ditën e sotme edhe Qarkun e Dibrës.
Në disa rrugë ka rënie inertesh por pa shkaktuar probleme. Deri në orët e mbrëmjes nuk janë raportuar dalje të përrenjve apo bllokime rrugësh.
Situatë më e vështirë ka qenë orët e mbrëmjes, në by passin e Qafës së Murrizit ku rënia e inerteve dhe era e fortë me shi kanë vështirësuar kalimin e mjeteve.
Reshjet e shumta të shiut kanë mbushur Urën e fshatit Fshat, dhe uji ka vërshuar në tunelin T3 të Rrugës së Arbrit.
Shtabi i emergjencave të Prefekturës dhe të 4 Bashkitë po monitorojnë situatën për orët në vazhdim.
