Kinematografia shqiptare në zi. Shuhet në moshën 81-vjeçare regjisori i njohur i shumë filmave, Vladimir Prifti. Lajmin e trishtë mëngjesin e së dielës e dha ministrja e Kulturës, Elva Margariti në një postim në rrjetet sociale.
“Sot kinematografia shqiptare humbi një tjetër emër të madh! Regjisori i filmave të paharrueshëm “Udha e shkronjave”, “Kush vdes në këmbë”, “Flutura në kabinën time” e shumë të tjerëve, Vladimir Prifti iu shtua tempullit të përjetësisë!
Regjisor i analizës psikologjike, i gdhendjes së karaktereve, që iu largua klisheve të kohës, Prifti ka lënë pas një shkollë për filmin shqiptar. U prehsh në paqe mjeshtër” njofton ministrja e Kulturës, Elva Margariti.
Disa prej filmave të njohur që ka realizuar Vladimir Prifti janë; “Gjenerali i ushtrisë së vdekur”, “Udha e shkronjave”, “Kur hidheshin themelet”, “Era e ngrohtë e thellësive”, “Kush vdes në këmbë”, “Dhe vjen një ditë”, “Flutura në kabinën time”, “Dasma e Sakos”, etj.
