Tifozët Kuqezi janë ata që shoqërojnë kombëtaren në cdo vend, shi apo diell, humbje apo fitore. Ashtu ndodhi edhe mbrëmë në festën e madhe në Moldavi. Ndërsa tani nisin përgatitjet për verën me një premtim.
“Ëndërruam, sakrifikuam dhe në fund u kualifikuam. Më të bashkuar se çdo herë tjetër, “Tifozat Kuq e Zi po vijnë” për të pushtuar tokën gjermane, për të stolisur Euro 2024 me ngjyrat Kuq e Zi. Ne ia dolëm, por ky është vetëm fillimi…” shkruhet në postim.
Shqipëria siguroi kualifikimin në Euro 2024 një ndeshje para përfundimit të eliminatoreve. Fatin tonë e kanë pasur edhe disa kombëtare të tjera. Gjermania është e sigurt pasi është vendi pritës i Euro 2024. Të tjera skuadra janë Austria, Belgjika, Danimarka, Anglia, Franca, Hungaria, Portugalia, Skocia, Sllovakia, Spanja dhe Turqia.
