Grupi G është grupi i parë, që ka përfunduar të gjitha sfidat e vlefshme për fazën kualfikuese e “Euro 2024”, me Hungarinë e Serbinë, që janë zyrtarisht nga sot të kualifikuar.
Në në ndeshjen e sotme Serbia ka barazuar 2 me 2, ndaj Bullgarisë, megjithatë edhe 1 pikë mjaftoi, që ata të siguronin një vendin në fazën finale të kompeticionit.
Përveç lançimit të kualifikimit nga faqet zyrtare të UFAS-s, si ajo në Instagram dhe në platforma të tjera, suksesin e tyre e zyrtarizuar dhe federata serbe e futbollit po me anë të një postimi në rrjetet sociale.
Ajo që u vërejt në postimin e bërë nga ana e federatës serbe të futbollit është ngjashmëria në skicimin e posterit, thuajse i njëjtë me posterin e lançuar nga FSHF-ja vetëm dy ditë më parë me rastin e kualifikimit të Shqipërisë në “Euro 2024”.
Deri këtu mund të duket mbase si një lloj uniformiteti i përcaktuar për të tilla raste, por në fakt nga vëzhgimet e kryera nëpër faqet zyrtare të federatave të tjera, ekipet përfaqësuese të të cilave janë kualifikuar për në “Euro 2024”, rezulton që nuk kemi të bëjmë aspak me një lloj rregulli.
Në fakt ky model posteri është paraqitur së pari nga federata portugeze e futbollit para një muaji, kur kjo përfaqësuese u kualifikua për në fazën tjetër të kampionatit, e siç duket është pasuar nga FSHF, e më pas nga federata serbe. E ndërsa vërehet se federatat e tjera të kualifikuara deri më tani kanë zgjedhur të tjera modele për posterat përkatës.
