Inflacioni në tetor në Shqipëri ka rezultuar më i lartë se ai në BE. Sipas INSTAT inflacioni në Evropë për muajin e kaluar ishte në vlerën 3.6% ndërsa në Shqipëri 3.8%.
Muajin e kaluar vihet re se rritjen më të madhe të çmimeve e kanë pasur shtrenjtimi i ushqimeve, qirave të apartamenteve dhe rritje e çmimit në bare dhe restorante.
Shqipëria për muajin tetor renditet mes 12 shteteve me inflacionin më të lartë në Evropë.
Banka e Shqipërisë thotë se rritja e pagave e kushtëzuar prej mungesës së punonjësve, si dhe rritja e kostove të prodhimit po mbajnë të lartë inflacionin bazë, ndërkohë që presionet e tregjeve të huaja janë në rënie.
