Futbollist i mirënjohur Myrto Uzuni ka bërë një deklaratë të fuqishme mes lotësh sot në median spanjolle “Panenka”. Lojtari i kombëtares shqiptare ka treguar se është shembulli konkret që asgjënë jetë nuk vjen pa punë dhe përpjekje.
Ai tregon se si ka kaluar kufirin me Greqinë në formë ilegale dhe ka rrëfyer të gjitha momentet e vështira nga fëmijëria deri në adoleshencë. Uzuni tregoi se fillimet e jetesës në Greqi nuk sillnin mjaftueshëm të ardhura ndaj ai u detyrua të ndalonte stërvitjen për të punuar.
“Shumë net kam qarë në dhomën time, vetëm, në banjë, pa më parë njeri. Nuk doja që prindërit e mi të ndiheshin keq. Kjo më bëri më të fortë. Kam punuar si kamarier, duke larë enët, në ullinj, duke pastruar shtëpi, garazhe…të gjithë në të zezë”, tha Uzuni.
