Situata në Rajonin Jugor dhe Qendror ka rezultuar e qetë, moti ka qenë i vranët me reshje shiu pa intensitet, pa sjellë probleme në akset rrugore, qarkullimi ka vijuar normalisht.
Siç raporton Autoriteti Rrugor Kombëtar, situata në Rajonin Verior është më e ndërlikuar.
Reshjet e dëborës me intensitet mesatar dhe të lartë në disa raste, kanë krijuar probleme në qarkullimin e automjeteve.
Nga raporti i ARRSH-së këto segmente rrugësh po hasin vështirësi: Kukës-Krumë ,dhe Kukës-Ura e Zapotit, në segmentin rrugor Dushaj-Sheshi i Trageteve-Lekbibaj në lartësinë mbi 700m, në Qafë Thore, në Vau i Dejes-Pukë-Kukës,Fushë Arrëz-Qafë Mali-Kukës, Bajram Curri-Valbonë, Ura Bujan-Qafë Morinë-Tropojë-Shipshan-Sopot-Kërrnaje, Bajram Curri-Fierzë.
Rrëshqitje gurësh janë raportuar në qarkun e Shkodrës, në aksin Theth-Bregu i Lumit, si pasojë ka bllokuar një pjesë të rrugës natën e mbrëmshme. Sot raportohet se aksi është i kalueshëm.
Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.
