Pas disa muajsh bllokim është rihapur konkursi i gradave në Policinë e shtetit, kjo pas firmës nga kreu i policisë, Muhamet Rrumbullaku.
Në total janë 562 vende vakante, prej të cilëve 12 për “drejtues i parë”, 200 për “kryekomisar”, 40 për “drejtues” dhe 320 “komisar”.
Momenti i duhur për të gjithë punonjësit e Policisë së Shtetit që duan të rriten në gradë.
Gara për aplikimet brenda radhëve të bluve është hapur më 17 nëntor dhe pritet të zgjas një muaj, deri më 17 dhjetor dhe pas kësaj nis faza e seleksionimit.
Kandidatët do vlerësohen me shkrim dhe gojë, përfshirë edhe performancën në detyrën që ka mbajtur më herët.
Hapja e garës së gradave vjen në një moment deçiziv të Policisë së Shtetit, mes skandaleve për arrestimin e punonjësve të përfshirë me krimin.
