Tottenham u mposht 1-2 nga Aston Villa në javën e 13-të të Premier League, duke marrë dhe humbjen e 3-të radhazi. Aston Villa me këto tre pikë i rrëmben dhe vendin e katërt në klasifikim.
Të parët në avantazh kaluan Spurs me Lo Celso në të 22 minutë, për t’u barazuar në shtesën e shtatë të pjesës së parë nga Torres. Në fraksionin e dytë ndeshja u bë e luftuar dhe me raste, teksa Uatkins vulosi tri pikët e Villas në minutën e 61.
Edhe pse me gjysmë ore lojë në dispozicion, Tottenham nuk mundi të barazojë dhe tanimë i largohet kreut që disa javë më parë e mbante. Me 28-të pikë (sa Liverpool), Aston Villa merr pozitën e katërt në klasifikim, duke lënë Spursat në vendin e pestë me 26-të pikë. Në krye Arsenal me 30-të pikë.
