Përfundoi në një barazim 2-2 përballja midis Kukësit dhe Skëndërbeut e luajtur në “Arenën e Demave”.
Sfida e vlefshme për javën e 14-të, rezultoi spektakolare dhe me shumë dëshirë për të fituar nga të dy ekipet, por në fund u desh të kënaqen me nga një pikë.
Të parët që kaluan në avantazh ishin korçarët, që gjetën rrjetën me Frenkiln, e më pas me Likën, duke marrë lojën nën kontroll.
Por në të dytën verilindorët e Nicës u rikthyen në lojë duke gjetur golin me Zhongon në minutën e 55’ e më pas me Da Motën në 81’, të dy golat e realizuar me goditje këndi.
Kukësi ngjitet momentalisht në vendin e 8-ë të renditjes, ndërsa Skënderbeu vazhdon të jetë në vendin e katërt me 18 pikë.
