Aktori i mirënjohur Timo Flloko ka treguar historinë e njohjes me bashkëshorten e tij, producenten, regjisoren Vera Grabocka.
Ai tregoi se me Verën e njohu rastësia dhe fati i bashkoi kur ishin shumë të rinj.
Timo Flloko ishte profesori, ndërsa Vera Grabocka studentja e tij. Timo në emisionin “Opinion “ rrëfeu se e gjitha ishte një lojë e fatit kur ai u emërua si profesor në Vlorë dhe jo në Tiranë.
Ai tregon se Vera ishte e veçantë, edhe në atë kohë, në sjellje, energji dhe biseda.
“Vera ishte dashuri që aty ngeca, sepse unë besoj që nuk kam qenë djalë jo simpatik…”, u shpreh Timo Flloko, duke shtuar se tërheqja mes tyre ishte e dyanshme.
