Një 18-vjeçar është gjetur i shtrirë në oborrin e tij pa shenja jete në fshatin Llukë të Deçanit të martën.
Policia, që ka konfirmuar rastin, dhe ekipet mjekësore me të dalë në vendngjarje kanë konstatuar vdekjen e tij.
Dyshimet e para janë për vetëvrasje, por Policia ka thënë se një gjë e tillë ende s’është konfirmuar.
Ndërkohë që në Prishtinë vdiq një grua që u godit mbrëmjen e së martës nga një makinë.
“Rreth orës 20:00, nga QKUK, jemi njoftuar se këmbësorja: D.G (femër) 56 vjeç, nuk ka arritë të përballoj plagët e shkaktuara nga aksidenti dhe e njëjta ka vdekur.
Lidhur me këtë rast hetuesit policor të njësitit të trafikut kanë nisë një hetim ndërkohë që është arrestuar ngasësi i automjetit”, ka thënë policia.
