Në lidhje me Kuvendin Kombëtar të organizuar nga ish-kryeministri Sali Berisha, ka reaguar dhe deputeti i PD-së Ervin Salianji.
Me anë të një postimi në rrjetin social facebook, Salianji shprehet se Opozita e ka jetike qasjen ndryshe me qytetarët dhe vetveten gjithashtu se korrigjimet janë të pamjaftueshme dhe se sipas tij ndryshimet e thella janë më shumë se thjesht të domosdoshme.
“Opozita e ka jetike transformimin, rikonceptimin, ridimensionimin dhe qasjen ndryshe me qytetarët dhe vetveten! Korrigjimet janë të pamjaftueshme, ndryshimet e thella më shumë se të domosdoshme! Bashkimi mes vetes dhe hapja drejt shoqërisë është frymëmarrje jetike për opozitën sot!
Nevoja për ti hapur rrugën me meritë më të mirëve, profesionistëve me integritet, diasporës, të rinjve, shoqërisë!” shkruan deputeti Ervin Salianji.
