Protestave para ambasadës së Kosovës në Tiranë për vrasjen e Liridona Ademajt, i’u bashkua dhe ambasadori i Kosovës, Skënder Durmishi.
Sipas Durmishit, ky është një krim monstruoz i cili ka shokuar të gjithë, ndërsa u shpreh se drejtësia do të thotë fjalën e vet për këtë krim kaq monstruoz, sic e quajti ai.
“Unë dola t’iu takoj para derës së ambasadës. Është një iniciativë njerëzore dhe të falënderoj për ndjesinë që tregoni për një rast që ka tronditur Kosovën që është e shtanguar dhe në shok të vërtetë. Protesta juaj është për t’u përkrahur dhe thirrjet tuaja për drejtësi për Liridonën dhe për çdo grua. Drejtësia të thotë fjalën e vet për një krim kaq monstruoz siç ndodhi me Liridonën”, tha ai.