Grupi i Shqipërisë në Euro2024, konsiderohet me të drejtë “grupi i vdekjes” dhe ka një interes të lartë mediatik.
Për fatin e këtij grupi ka dhënë parashikimin e tij dhe mbrojtësi i Kombëtares shqiptare, Ardian Ismajli.
Në një intervistë për mediat kroate Ismajli është shprehur që Kroacia dhe Shqipëria të kalojnë grupin, ndërsa shton se nëse Jasir Asani do të jetë në formën e tij më të mirë do të jetë fantastike.
“Unë mendoj se ne do të marrim një rezultat të mirë në Europian, pavarësisht grupit sesa i fortë është. Nëse më pyesni mua, dua Kroacinë dhe Shqipërinë që të kalojnë më tej Kroacia është e fortë, duke filluar që nga portieri, sulmuesit, veçanërisht mesfusha, Modriç, Kovaçiç, Brozoviç dhe Gvardiol.
I vetmi dyshim është se në çfarë forme do të jetë Perisiç. Ne? Nëse do të kemi Jasir Asanin në formën e tij më të mirë, do të jetë fantastike. Kemi një ekip shumë të organizuar, Berisha, Gjimshiti, Bajrami, Seferi, Ramadani, Muçi, Asllani, Hysaj dhe Cikalleshi me Uzunin”, tha Ismajli.
