Debat i fortë jo vetëm në parlament, por edhe në studio. Mbrëmjen e sotme në emisionin “5Pyetjet nga Babaramo” në Report Tv, numri dy i socialistëve u përfshi në debat me demokratin Ferdinand Xhaferraj për kërkesën e opozitës për komisionet hetimore.
“Shqipëria ka ngritur më shumë komisione hetimore se çdo parlament tjetër. Mendojnë se me komisione do i zgjidhin problemet. Në rast se do të ketë një përgatitje më të mirë të kolegëve të opozitës, komisionet hetimore do të ngrihen edhe pa u bërë ligji i ri.
Nëse do të shkruani dy letra korrekte, komisioni do të ngrihet. Për inceneratorët kishte një çështje u ngrit komisioni. Dolën të gjithë, pati një sqarim të opinionit publik” tha Klosi.
Për Xhaferrajn ligji është i qartë. “Gjykata Kushtetuese thotë se ngritja e komisioneve hetimore është e detyrueshme dhe se objekti edhe mund të negociohet. Ja porti i Durrësit.
Nuk është investim strategjik, por korrupsion strategjik. Pse nuk e pranoni korrupsionin? Jeni në kundërshtim me ligjin. Hoqe 800 metra katror tokë qytetarëve të Durrësit. Kam paraqitur tetë fakte që duhet të hetohen”.
“O Fredi të lutem, të flasim pak me njëri tjetrin”- i tha Klosi, por demokrati theksoi se “po bëni shtetin copë. Jeni të mbërthyer, nuk keni shpëtim. Mbaje mend zoti Klosi, komisionet do të ngrihen”.
Tymi i politikës te “5Pyetjet”/ Klosi nuk hap rrugë, Xhaferraj: Detyrim Kushtetues
