Një shqiptar u gjet nga policia britanike në hapësirën e papafingos të një fabrike kanabisi vetëm disa muaj pasi u lirua nga burgu për një vepër të ngjashme. Këtë lajm e raportuan mediat vendase britanike.
Rexhep Jemini, 37 vjeç – i cili mbërriti në Mbretërinë e Bashkuar duke kaluar Kanalin me një varkë të vogël – ishte fshehur në një prone në Great Yarmouth, ku u gjetën më shumë se 150 bimë kanabis në faza të ndryshme rritjeje.
Gjykatësja tha se Jemini kishte treguar një shpërfillje të madhe të ligjit, duke përsëritur krimin, teksa e dënoi atë me 18 muaj burg, por mori parasysh faktin se shqiptari pranoi fajin para autoriteteve.
